نسيج الكون، Pi، و زيد و زيد (علاش خاص نفرحو بالجيوميتري للي قرينا)

الجاذبية، الإلكترونات، وسرعة الضوء؟

عمرّك سولتي علاش الجاذبية كتجرّ الحوايج وما كتدفعهمش ، ولا علاش الإلكترونات فيهم الشارج ؟ ولا علاش سرعة الضّوء هي هي ف أي بلاصة؟ هادو أسئلة كبار بزاف—يمكن نديرو عليها بوست خور من بعد... حيت دابا غادي نهدرو على Pi.

الراشيو السحري

الرقم اللي كيطلع منين ناخدو محيط (circumference) ديال الدائرة ونقسموه على القطر (diameter). كيكون تقريباً 3.14159 و كيبقى غادي بلا ما يسالي. لدرجة إلا دخلتي مزياان فالأرقام ديالو، غادي تلقى فيه أي سلسلة أرقام يمكن يطيحو ليك على البال…الحَمَاق

الدوائر وعلاش Pi مكيتبدلش

ما كيهمش واش الدائرة كبيرة ولا صغيرة—واخا تكون قد المورة ديال الباسكيط ولا قد الشمس—هداك الراشيو كيبقى هو هو. ولكن علاش بالضبط 3.14159؟ علاش ما تكونش 3.2 ولا 42؟ واش غير صدفة، ولا كاين شي سبب عميق مربوط بكيفاش الكون ديالنا مبرمج؟

فوقاش ممكن Pi يتبدّل

إلا خديتي دائرة عادية مرسومة فوق ورقة مسرحة وعبرتيها مزيان، ديما غتلقى Pi قريب ل 3.14. ولكن إلا كنتي حدا واحد البلاك هول، القوانين ممكن تتبدّل. حيت نسيج الكون (السبايس تايم) فالغالب مستوي (Flat)، ولكن حدا الأجسام اللي فيهم

ماس كبيرة، كيقدر يتعوّج. منين كيولي السبايس تايم متقوس، حتى الجيوميتري ممكن تْقلّب.

سبايس تايم: مسرح ولا معوج؟

النظرية ديال النسبية كتقول بلي الماس والطاقة كيقدروا يعوّجو السبايس تايم اللي داير بيهم. فالمناطق "الهادية" فالكون، السبايس تايم تقريباً مستوي، وهادشي علاش الجيومتري ديالنا خدامة بحال اللي كنحسبوها فوق الورقة. ولكن إلا كان السبايس تايم متقوس فكل بلاصة، تقدّر تقيس محيط دائرة وتلقى Pi كتساوي 3 ولا شي رقم فشكل.

شكرا Pi (و النسبية) على الجيومتري الساهلة

دابا، Pi مكيتبدلش، والكون اللي كانعرفوه في الأغلب مستوي. هادي راحة لأي واحد كيتعدب مع الجيومتري —تخيّل كون Pi كيتبدل! المرة الجاية اللي تستعمل فيها 3.14 فالكلاس وقف واحد شوية وشكر الكون حيت ماعوجش السبايس تايم بزاف.